الملك فاروق الاول ملك مصر و السودان

بسم الله الرحمن الرحيم اللهم صل على محمد وعلى آله وصحبه أجمعين
الملك فاروق الاول ملك مصر و السودان ( القاهره ، 11 فبراير 1920 – روما ، 18 مارس 1965)، عاشر حكام مصر من اسرة محمد على و الملك قبل الاخير لمصر و السودان. بعد ما ابوه الملك فؤاد الاول ماغير نظام وراثة عرش مصر فى 13 ابريل 1922 اتلقب فاروق رسمياً بـ " حضرة صاحب السمو الملكى الامير فاروق " و " امير الصعيد ". و بعد ما قعد على عرش مصر بقى لقبه الرسمى " حضرة صاحب الجلالة الملك فاروق الاول ، ملك مصر و السودان و صاحب النوبة ودارفور و كوردوفان ".
الملك فاروق مسك الحكم فى 28 ابريل سنة 1936 بعد وفاة ابوه الملك فؤاد الاول و اتنازل عن الحكم فى 26 يوليو سنة 1952 لابنه الملك احمد فؤاد التانى بعد انقلاب الظباط الاحرار عليه.
اخته الاميره فوزيه كانت امبراطورة ايران من سنة 1941 لسنة 1945 فى فترة جوازها من محمد رضا بهلوى شاه ايران.
فاروق الاول اتوفى فى منفاه فى ايطاليا سنة 1965.
حياته
الملك فاروق و مراته الملكة فريدة و بنتهم فريال
اتولد فى 11 فبراير سنة 1920 و بقى ولى العهد و هو لسه صغير فلقبه ابوه بـ " امير الصعيد ". لما اتوفى ابوه فؤد الاول فى 28 ابريل 1936 كان فاروق عنده ستاشر سنه و بالتالى قاصر ، فإتشكل مجلس وصايه استمر لغاية الشيخ محمد مصطفى المراغى ماطلع فتوى بحساب عمره بالتاريخ الهجرى و اتوج ملك فى 29 يوليه سنة 1937.
الملك فاروق اتجوز مرتين، المرة الاولانية و هو عندة 18 سنة اتجوز من واحدة من بنات الباشاوات اسمها صافيناز ذوالفقار اللى بعد الجواز غيرت اسمها ل الملكه فريده و جابو تلت بنات: الاميره فريال و الاميره فوزيه و الاميرة فاديه. فاروق كان تحت ضغط كبير لانه ماخلفش ولى للعهد و كمان بسبب المشاكل اللى بينه و بين مراته فريده فطلقها سنة 1948. الطلاق دا زعل مصريين كتير اللى بيقدسو الحياة الزوجية بشكل عام و خرجت مظاهرات كبيرة بتندد بالطلاق دا. تاني مرة اتجوز فيها الملك فاروق كان من واحدة من الشعب اسمها ناريمان صادق سنة 1951 وجابو ابن سموه احمد فؤاد التانى اللى بقى ملك مصر بعد كدا لما ابوه اتنازله عن الحكم. ناريمان مشيت من مصر مع فاروق على ايطاليا فى 26 يوليه 1952 و اتطلقو سنة 1954 . فى واحده ست طليانيه اسمها إيرما مينوتولو رافقت الملك فاروق فى المنفى و بعد ما مات قالت انهم كانو متجوزين بس مفيش دليل يثبت ان فاروق اتجوز لتالت مره.
فترة الحكم
صوره للملك فاروق بيظهر فيها مصطفى النحاس (التانى على يمين فاروق) اللى طالب الانجليز بتشكيله للوزاره فى 4 فبراير 1942
فاروق الاول هو ابن الملك فؤاد الاول و حفيد محمد على باشا باني و مؤسس مصر الحديثة ، كمل تعليمه فى الاكاديمية الملكية العسكرية فى انجلترا ومسك الحكم وهو عنده 16 سنة تحت مجلس وصايه ، واول ما اتوج عمل خطاب للشعب فى الراديو و دي كانت اول مرة فى مصر ان الملك يوجه فيها خطابه للناس بشكل مباشر. سنين حكم الملك فاروق كانت صعبة بسبب الحرب العالميه التانيه و الاحتلال الانجليزي و المخابرات الالمانية و القوى الوطنية المصرية. كل العوامل دى اثرت على اداءه كملك و غيرت مشاعر المصريين ناحيته من حب جارف لاتهام بالعماله و خصوصا بعد خلافه مع حزب الوفد اللى كان حزب الاغلبية فى مصر فى الوقت ده.
اتعرض فاروق لحوادث مهمه فى فترة حكمه، كان منها محاصره عسكر المحتلين الانجليز لقصر عابدين يوم 4 فبراير 1942 و ارغمو فاروق على تكليف مصطفى النحاس بتشكيل وزاره او يتنازل عن العرش ، اتعرفت الواقعه دى بـ حادثة 4 فبراير. الحادثه التانيه كانت مدبحة البوليس فى الاسماعيليه اللى كانت من نتايجها حريقة القاهره اللى عجلت بنهاية عهد فاروق.
الحادثه التالته اتعرفت بإسم " حادثة القصاصين " و دى حادثه اتعرض ليها فاروق يوم 15 فبراير 1943 و هو سايق العربيه بسرعه وهو راجع من رحلة صيد ، العربيه دى كانت هديه ليه من هيتلر. و هو سايق اعترضته مقطوره عسكريه انجليزيه و عمل حادثه كان حا يموت فيها.
ثورة 23 يوليو
حريقة القاهره سنة 1952 عجلت بسقوط فاروق.
فى سنة 1948 اتعرض نظام حكم الملك فاروق لرجه كبيره بعد تعرض الجيش لهزيمه فى حرب فلسطين و حصلت مدبحة الاسماعيليه فى 25 يناير سنة 1952 و بعدها حريقة القاهره. انتشر الفساد فى مصر و اتدهورت الاحوال السياسيه و انتهكت الحريات بدرجه كبيره لدرجة ان الكتاب كانو خايفين ان الملك يغتالهم ، الملك فاروق نفسه كانت سمعته فى مصر فى حالة تدهور ، ده مع وجود قوات اجنبيه محتله لمنطقة قناة السويس و بتتحكم فى الشئون المصريه. مصر كان فيها حالة غليان و كان واضح انها مقبله على تغيير.
فى يوم 23 يوليو سنة 1952 ، والملك فاروق بيصيف فى اسكندريه ، حصل فى القاهره انقلاب عسكرى من مجموعة ظباط شبان برتب عسكريه صغيره. الظباط دول كانو كونو حركه جوه الجيش اسمها حركة الظباط الاحرار بقيادة جمال عبد الناصر وتحت القيادة الصورية للوا محمد نجيب ، طلبوا من الملك طلبات كان منها عدم الغاء انتخابات نادى الظباط اللى كانوا كاسبانين فيها و شوية مطالب متعلقة بالجيش ، حقق لهم الملك مطالبهم و بعدين راحوا طالبين منه فى الاخر التنازل عن العرش لابنه احمد فؤاد التانى. وافق الملك على التنازل و قدم تنازل على العرش نصه :
" امر ملكي رقم 65 لسنة 1952
نحن فاروق الاول ملك مصر والسودان
لما كنا نتطلب الخير دائما لأمتنا ونبتغي سعادتها ورقيها
ولما كنا نرغب رغبة أكيدة فى تجنيب البلاد المصاعب التي تواجهها فى هذه الظروف الدقيقة
ونزولا على إرادة الشعب.
قررنا النزول عن العرش لولي عهدنا الامير احمد فؤاد وأصدرنا امرنا بهذا الى حضرة صاحب المقام الرفيع علي ماهر باشا رئيس مجلس الوزراء للعمل بمقتضاه .
صدر بقصر رأس التين فى 4 ذي القعدة 1371 هـ (26 يوليو 1952) ".
الظباط اعلنوا الجمهوريه المصريه و سقوط الملكيه و انطرد الملك فاروق من مصر على ايطاليا فى 26 يوليو سنة 1952 . وقدم اللوا محمد نجيب اعتذار عن قلة ذوق جمال سالم و هو بيودع الملك على يخت المحروسة. و ضربت المدفعية 21 طلقة تحية للملك اللى فضل انه يتنازل عن الحكم حفاظاً على حياته و لمنع اراقة الدماء.
فى 26 يوليه 1952 فاروق مشى من مصر على ضهر يخت " المحروسه " اللى قاده جلال علوبه ، و ده كان نفس اليخت اللى غادر بيه الخديوى اسماعيل جده لما اتعزل ، و اتعهد فاروق بترجيع اليخت لمصر اول ما ينزل منه فى نابولى. و ضربت المدفعيه واحد و عشرين طلقه تحيه للملك فاروق اللى بمغادرته مصر.
فضل الملك فاروق بره مصر لحد ما مات سنة فى 8 مارس 1965 .
ثروة فاروق الاول
بعد خروج الملك فاروق من مصر اتنشرت معلومات عن حقيقة ثروته. غير المجوهرات و الكنوز و القصور اللى ورثها ورث عن ابوه الملك فؤاد 15 الف و 400 فدان و فى نهاية حكمه اتضخمت فدادينه لغاية مابقت 96 الف فدان. الأوراق الرسميه بتاعة الثورة قالت ان عدد الفدادين اللى اتصادرو منه كانو 48 الف فدان. ده غير اللى اخده من رجال الاعمال و اصحاب المصانع كان منها 18 الف سهم فى شركة سعيدة. موازنة الدوله المصريه بتاعة 1951-1952 كانت المخصصات الملكيه فيها مليون و 315 الف و 961 جنيه ، و ده مبلغ ضخم بحسابات اياميها ، المخصصات الملكيه دى اتوزعت بالطريقه دى : 115 الف جنيه مصاريف تكييف هوا القصور الملكيه ، و 70 الف جنيه لثكنات الحرس الملكى ، و 20 الف جنيه لتعديل مطبخ قصر القبه ، و 174 الف جنيه لصيانة جناين القصور الملكيه [1]. .
املاك الملك فاروق اتصادرت فى سبتمبر 1953 و اتصادرت ممتلكات اسرة محمد على فى نوفمبر فى نفس السنه. و اتباعت حاجات كتيره من الممتلكات فى مزادات علنيه اعتبرت كارثيه لإنها اتسببت فى ضياع كنوز كتيره [1].
وفاته
اتوفى فاروق الاول فى ايطاليا فى 18 مارس سنة 1965 بعد ما اكل عشا دسم فى مطعم إيل دى فرانس المشهور فى روما.
اتقال بعد كده انه اغتيل بالسم على ايد ابراهيم البغدادى بتكليف من جمال عبد الناصر اللى رفض تنفيذ و صيته الوحيدة انه يندفن فى مصر لكن البغدادى نفى الموضوع. الرئيس انور السادات سمح بدفن رفاته فى مقابر عيلة محمد على فى جامع الرفاعى ، و كمان سمح لابنه الملك احمد فؤاد التانى انه يجيب مراته علشان تولد فى مصر.
مسلسل تلفزيون
فى سنة 2007 عرضت قناة الـ ام بى سى مسلسل اسمه (الملك فاروق) و قام فيه بدور الملك الممثل السورى تيم الحسن و اللى عرض لاول مرة صورة متوازنه للملك بعد سنين كتيره من التشويه المتعمد اللى قام بيه التلفزيون و السينما المصريه لاسباب سياسيه ( زي مسلسل رد قلبى و فيلم امراة هزت عرش مصر ).المسلسل دا حقق نجاح كبير فى مصر و براها ورد الاعتبار لفاروق الاول و صور نواحي انسانيه فى حياته. المسلسل خلى ناس كتيره تقرأ عشان تفهم ايه اللى حصل فعلا فى الفترة دى ، لدرجة ان فيه ناس ، رغم كل الفساد اللى ساد مصر قبل الثوره ، عبرت عن اشتياقها لرجوع الملكيه واسرة محمد على الالبانيه لحكم مصر.
مراجعة وتنسيق ناطق ابراهيم العبيدي

الموضوع الأصلي: الملك فاروق الاول ملك مصر و السودان |~| الكاتب: ناطق العبيدي |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

♕حلوة الحب♕ معجب بهذا

ناطق العبيدي
يسلموووو على رقي الطرح واختياره
ابداع لايضاهى بالطرح
سلمت يمناك وعساك على القوه
طرح بقمة الرووعه
دمت بسعاده ورضى الرحمن
ودي وشذى الورد
البرنس

ناطق العبيدي معجب بهذا

إنتقاء ثري بالذائقه
سلمت ودام رقي ذوقك
بإنتظار القادم بشوق

ناطق العبيدي
سلمت يمناك على الانتقاء الاكثر من رائع
جنآئنْ الوردْ تحتويكْ

ناطق العبيدي معجب بهذا

إنتقاء ثري بالذائقه
سلمت ودام رقي ذوقك
بإنتظار القادم بشوق

ناطق العبيدي معجب بهذا

سلمت يدآك على روعة الطرح
وسلم لنآ ذوقك الراقي على جمال الاختيار ..
لك ولحضورك الجميل كل الشكر والتقدير ..
اسأل البآري لك سعآدة دائمة .
ودي وتقديري لسموك

يعطيك الف عافية

يسلموا الايادي


ودي

يعطيكم الف عافيه على الطرح الرائع
لاحرمنا الله منكم
ولا من ابداعكم
بآنتظار جديدكم المتميز
دمتم بسعادة

سلمت الانامل الذهبيه ع الاختيار الراقي

مودتي