|
المطبخ السورى وأكلات زكية متعددة
السلام عليكم ورحمة الله وبركاته هيدا اول موضوع لائلى ان شالله بعجبكن الكبة السورية الكبة ائلها اكتر من اسم واكتر من طريئة منهن الكبة اللبنية الكبة الحلبية الكبة الكزابية الكبة بالصينية الكبة مع البطاطا الكبة سوار الست كبة صاجية الكبة الدمشقية الكبة المشوية على السيخ (الكبابة) الكبة الكيمشون الكبة النابلسية وإن شاء الله رح خبركن عنهن بمواضيع تانية رح ببدأ بالكبة المئلية مكونات الكبة لترين مية بدنا كيلوا برغل نص كيلو لحمة بصلاية وحدة رشة ملح ورشة فلفل عرء نعنع وإشرة لمون الحشوة شى اربع معالئ زيت نباتي بصللتين مفرومات منيح وناعمات نص كيلو لحمة هبرة مفرومة وئية جوز مفروم رشة فلفل أبيض رشة زنجبيل مطحون رشة فلفل أسود رشة ملح هلاء اول شى بننئع البرغل بالمية شى نص ساعة ونصفيهن منيح وبنحطن بئلب الزبدية وع جنب وبعددين بنجيب مكونات الكبة وكلن بنحطن بئلب فرامة الكهربة مع البرغل ونخلطهن منيح بعد هيك بنجيب اللحم مع الخلطة وكمان مرة بنحطن بئلب فرامة الكهربة هلاء شيليهن من فرامة الكهربة وبعدين بتدعكيهن منيح باديكى ليصرو متل العجينة هيك عجينة الكبة صارت جاهزة هلاء بنجيب مئلاية وبنحط بئلبا الزيت ليحمي الزيت وبعدين هدى عنو النار بنجيب البصلتينمفرومات ناعمين وبنئليهن ليدبلو وبعدين بنضيف اللحمة ورشة الملح والفلفل والزنجبيل وشى سبع دئايئ ع نار هادية وبعدين بنجيبو للجوز ونخلطهن مع بعضن منيح هيك الحشوة صارت جاهزة هلاء لنعمل الكبة بنجيب عجينة الكبة بتعمليها ائطع صغيرة وبتؤريهن متل الطابة بشكل بيضوى وبدخلى اصبعتك وبتعملى فتحة للحشوة او ملعئة صغيرى بتعملى فيها الفتحة وبتحطى بئلبا الحشوة هيك لتنهى كل العجينة صارة جاهزة للئلى اهم شى تكون الكبة مغمورة بالزيت وبعد ما تسخنى الزيت منيح بتلئيهن بالب الزيت لحتى يتحول لون الكبة ائريب من لون الدهبى وتكون الكبة مئرمشى بتشيلهن وبتزنى طبئك يلى بدك تئدمية لعائلتك او لرفئاتك وصحتين وعافية ع ائلبكن |
حلو كل شي الا الكبه الزابيه كيف نعرفها ههه
يعطيك العآفيه تسلم يديك ع الطرح المميز لاعدمنـآك بانتظارجديدك بكل شوق تحياتي صقر https://www.up.bhralaml.com/uploads/161414692318041.gif |
يعطيك العافيه
سلمت آناملك على الانتقاء لاتحرمنا من جديدك القادم نحن له بالإنتظار :200 (53): |
تسلمي على الوصفة
اللذيذة يعطيك العافية وفي انتظار جديدك "" لك 500 مشاركة وتقيم لحصرية الوصفة وتقيمي والختم والنجوم "" ودي 1f495 |
تمت الاضافة
1f49a |
اقتباس:
اى تسلم استاز صقر وبتشكرك ائلك كل الاحترام رح بعمل الكبة الكزابية بس هى للمعترين يلى متلى 200 (8) |
اقتباس:
اى تسلمى حبيبت البي السلطااانة وبتشكرك ع اهتمامك كلك زوء :155302189078961:1f495 |
اقتباس:
تسلمى السلطااانة شكرا لائلك من زوئك :555---009898::555---009898::555---009898: |
اقتباس:
حبيبت البى شموخ تسلمى كلك وء :200 (53)::200 (53)::200 (53): |
https://upload.3dlat.com/uploads/3dl...3901285979.gif كيفكن ان شالله ياحئ تكون اموركن كلا تمام اليوم رح بنكون مع الكبة الكزابية للمعترين المئادير كباية برغل ناعم كباية ماء مغلي كوباية طحين نص كباية زيت رشة فلفل اسود رشة ملح رشة كمون اصبعين لحمة جاهزين حجم صغير حشوة اللحمة بصلاية ملعئة كبيرة زيت فزدئ مئلي رشة فلفل اسود رشة ملح متل كل مرة ونفس الطريئة يلى عملناها من ائبل بنصفى البرغل من المية بعد ما نئعناه شى نص ساعة وبنعجنو ومع حشوة منيح بنجهز اصبعين اللحمة بعد ما ننئعهن بمية فاترة وبنعجنهن مع حشوتهن هيك صارو جاهزين بنئور العجينة بعد ما نعملها كروية وبنحشى بئلبا حشوة اللحمة وبنحطا بئلب الزيت بعد ما يكون ساخن وبنزيهن بزبدية مع ورء الخس وورء النعنع وصحتين وعافية ع ائلبكن من https://i.ytimg.com/vi/FcumbXvM0CM/hqdefault.jpg 1f495 |
المطبخ السورى وأكلات زكية متعددة
https://i0.wp.com/1.top4top.net/p_28...if?w=900&ssl=1 هلاء رح نعمل الكبة الحلبية GhfdrxddeGhfdrxddeGhfdrxdde فى مسل كتير بيحكو السوريين حلب ام المحاشي والكبب شنو مشهورة كتير بالمحاشي والكبة في شي اساسي بالكبة شو ما كانت البرغل يا ابيض يا احمر واللحمة من ائبل كان فى شى اسمو الجرن مع الحجر او انحاسية مع المطرئة بعركوهن بايديهن وبنعموهن فى الجرن او النحاسية هلاء ترأينا وصار عنا الخلاط عم ننجز فيو بسرعة وعم بسهل ع ست البيت كل طبخاتها نبلش بالكبة الحلبية المأدير برغل ابيض 2كيلو منئوعين شى نص ساعة لحمة 1كيلو مفروم ناعم سنين توموي ناعمين رشة ملح ورشة فلفل اسود ورشة زنجبيل ورشة زعتر ناعم هلاء بدنا نعمل الحشوة الحلبية لحمة بعد فرمناها منيح بنضيف عليها بصلاية ناعمة ملعئة زعتر كبيرة وملعئة ائرفة صغيرة ملعئة زنجبيل مطحون ناعم صغيرة ورشة فلفل ورشة ملح وملعئة زبدة كبيرة زيت ائلى بكمية مناسبة هيك الحشوة جاهزة بدنا نجهز الحشوة بعد ما صفينا البرغل من المية ووعجنا حتى صارت متماسكة مع الحمة والتتبيلة يلى جهزناه من أبل بنجيب حشو اللحمة بعد ما فرمنا البصلاية ودبنا السمن البلدى وائلينا البصلاية بالسمنة بنضيف التتبيلة مع البصلاية ع اللحمة وبنعجنهن منيح ونئليهن لينضجو ويتحول لونهن للبنى الفاتح هلا صارت عجينة البرغل جاهزة والحشوة جاهزة بنبلش نعمل كرات عجية باحجم يلى انتى بتريدي وبنأورهن وبنحشى اللحمة بألب العجينة للنتهى منن صارت الكبة محشية وجاهزة للئلى بنجيبا للمئلاية وبنحط بئلبا الزيت بعد تسخنية بتدلئى الكبة بئلب المئلية لحتى يستو بضافلهن المكسرات متل الفسدء الحلبى والجوز البلدى والصنوبر واللوز وصحتين وعافية https://i.ytimg.com/vi/FcumbXvM0CM/hqdefault.jpg يتبع |
تسلم الأيادي على الطرح
شكرا لك على الاختيار المميز مودتي :200 (53): |
اقتباس:
اى تسلم استاز ادريانو بتشكرك https://i0.wp.com/allwanz.com/wp-con...62%2C442&ssl=1 |
المطبخ السورى وأكلات زكية متعددة
https://i0.wp.com/1.top4top.net/p_28...if?w=900&ssl=1 الكبة السورية الكبة ائلها اكتر من اسم واكتر من طريئة منهن الكبة اللبنية الكبة الحلبية الكبة الكزابية الكبة بالصينية الكبة مع البطاطا الكبة سوار الست كبة صاجية الكبة الدمشقية الكبة المشوية على السيخ (الكبابة) الكبة الكيمشون الكبة النابلسية وإن شاء الله رح خبركن عنهن بمواضيع تانية اليوم رج بنكون مع كبة البطاطا المئلية مكونات كبة البطاطا كيلوا من البطاطا ماء للسلئ بنضيف لائلو ملعئة خل كيلوا من اللحم المفروم حبة بصلاية رشة ملح رشة فلغل اسود رشة ائرفة خل ملعئة كبيرة من الزيت ملعئة بهارات مشكلة ملعئة كبيرة من البئدونس الناعم تلت معالئ كبيرة من البئسماط مسحوء الكيك زيت لتئلاية طريئة التحضير بنئشرهن لحبات البطاطا ونئطعهن إطع كبيرة وبنحطن بألب المى بنضفلهن ملعئة خل ورشة ملح على نار متوسطة لحتى تستوى منيح نصفيهن لحبات البطاطا من المى منيح وبنهرسهن بالجرن لحتى يصيرو ناعمبن وبنجيب المئلاية وبنحط بألبا البصلاية المفرومة وملعئتين كبيرة من الزيت ورشة وملح مع اللحم المفروم تبلناه بالملح والفلفل الأسود وبنالبهن ونئليهم لحتى يستو منيح وبنضفلهن البئدونس المفروم بنئيم اللحمة ع جنب لحتى تبرد هلاء بنخلط نصن للبئسماط مع البطاطا ونتبلها بالملح والفلفل ونئلبهن لحتى يكونو متل بعضهن تفرديهن إطع صغيرة من البطاطا على إيدك لحتى تعمليهن كلن بضيفى ملعئة من اللحم المفروم بألبا وبتعمليها متل الأرص المدور وبتجيبى البئسماط يلى تبئى بترشيهن فوئ بمنن وبنئليهن بألب الزيت ولازم يكون ساخن ونئلبهن بحنية لحتى ما يتكسرو هيك صارو جاهزين فيكى تئدميهن ساخنين أو باردين وصحتين وعافية ع ألبكن https://encrypted-tbn0.gstatic.com/i...cwxfA&usqp=CAU يتبع |
| الساعة الآن 07:41 AM |
»:: تطويرالكثيري نت :: إستضافة :: تصميم :: دعم فني ::»
Powered by vBulletin® Version 3.8.8| المشاركات المكتوبة والمنشورة لا تعبر عن رأي منتدى بحرالامل ولا نتحمل أي مسؤولية قانونية حيال ذلك (ويتحمل كاتبها مسؤولية النشر) |