ياللي خذيت الروح

ليه انت تجفيني وانا اموت بلقاك


ــــــــــ ليه انت تجرحني وانا منك مجروح


ليه انت تزعلني وانا اموت برضاك


ــــــــ وليه انت تخطي بي وانا اقول مسموح


أرجوك جاوبني وانا اوعدك بانساك


ـــــــــ لاصار مالك في وفا العشق مصلوح


بانساك انا ماقلت بكرهك واشناك


ـــــــــــــ بالعكس احبك يابعد خافق الروح


والله احبك...لوتناسيت ذكراك


ـــــــــــ ويبقى لك بقلبي مجاليس وصروح


اكتبك في شعري واوصفك واقراك


ــــــــ وارسمك في لوحي واناجيك باللوح


سبحان من صورك وابدعك واعطاك


ـــــــــــــــ تغرٍ يموج بريحة المسك ويفوح


لك ناظرٍ يذبح كما السيف فتاك


ـــــــــ ولك مبسمٍ يضوي كما البرق ويلوح


العين ماشافت من الحور شرواك


ــــــــــــــــ الفم حالي..واحمر الخد مملوح


ياللي خذيت الروح هذي بقاياك


ـــــــــ حب وعنا.. وشوقٍ من الهم مفضوح


هاجرت عن دنياي واقفت بك خطاك


ــــــــــ تركتني واقفيت واقفت بك الروح


اخفي طعونك ...وازعل النفس لرضاك


ـــــــــــ لانك علي اكبر من الصمت والبوح


انساك؟ كيف انساك؟ وشلون ابنساك؟


ـــــــــــ لاصرت في درب الفكر وين ماروح

م / ن