منتديات بحر الامل - عرض مشاركة واحدة

#1 2024-02-18, 05:40 PM

بافارقك .. لو كان ما اختـرت فرقـاك
...بافارقك .. وآنـا فرجـوى وصالـك

البعد لو به خير مـا كـان خـلاك ؟؟
....تقطع مـن عيـون المحـب اتصالـك

ما اكثرك فالصده وفالوصل ما اشـواك.
...الكبر لله .. ( لا يغـرك جمالـك ) !!

خليتنـي للبعـد .. والبـعـد قـسّـاك..
..خلاك تنسى واحـد" قـد وفـا لـك ؟؟

سليت سيف الهجر ؟؟ كني من اعـداك
.....وذبحت شوق الروح شاللي جـرى لـك

العام مـا تصعـب الـى قلـت بلقـاك.
....واليوم من دون المواصيـل هالـك ؟؟

منت بردي .. حسبي على الوقت ردّاك
.....غير صفـاك / وطيبتـك / واعتدالـك

حاولت نسيانك .. وعييت لا انساك ؟؟
.....لا جيت ابنسى .. ذيب صدري عوى لك

لو انك بترجـع كثـر مـا آتمنـاك ؟؟
.....ما كان ذا حالـي .. ولا ذا بحالـك ؟؟

كثر الجفا وآنـا أستغفـر الله اشـراك
....حبك كفر بي .. لعنبو من صفـا لـك

خذاك مني البعـد مـا عـاد بقـاك ؟؟
.....لكن علـى قـول المثـل مـش حالـك

تدري وش اللي يقتل الشـوق يـا ذاك.
...لاني بولد عمـك ولا ولـد خالـك ؟؟

الشوق برد .. ودافـي الوصـل لقيـاك
.....وثلج الجفا خـرب طريـق اللقـا لـك

علمتني حبـك .. وعلمنـي انسـاك ؟؟
.....لو كان مـن دنيـاي .. مابـه بدالـك

تبغي تضيق خاطري جعلـه فـداك ؟؟.
....مهوب انا اللـي يعاتبـك فـي حلالـك

طلبتني قلبي وانا قلـت لـك .. جـاك.
....والحين سو بخافقـي مـا بـدا لـك ؟؟

الموضوع الأصلي: خليتني للبعد والمسافة |~| الكاتب: رمز الوفاء |~| المصدر: منتديات بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

الأعضاء الذين قالوا شكراً لـ رمز الوفاء على المشاركة المفيدة: