كتبت اسمك على روحي

كتبت اسمك على روحي
كتبت اسمك على روحي وحبيتك من الأعماق
أشوفك ماخذ قلبي وكلك ماخذ افكاري

بعبر لك عن اشواقي وأشوفك أصدق الأشواق
وأشوفك يابعد روحي حبيب وأجمل أسراري

سكن حبك هوى فكري وبعدك شي ما ينطاق
أنا دونك حبيبي شي ماله اسم أو طاري

بدت أيامي تتفاءل وعطر السعد لي يشتاق
معك انسى اللي بالدنيا وأنت جنتي وناري

عشانك أحرق همومي مثل ماتحترق الاوراق
عشانك أوقد شموعي تضوي دنيتي وداري

عسى ربي يسلمنا حبيبي من ألم الفراق
واذا كانت محبتكم شقا فهذي أقداري

واذا ضاعت عناوينك حبيبي الشوق لك ينساق
ترى كلك عناويني ودرب الشوك أزهاري

حبيبي وحبي الاول تراني لشوفتك أشتاق
أبيع اللي بهالدنيا وأجي لك للوصل شاري

أحبك وأعشقك والله كثر ما قالوا العشاق
أحبك يابعد كلي حبيبي ومشعل أفكاري

أسولف بك مع أحلامي وأسولف بك مع الأشواق
وازين حرفي بحرفك وأحطك بأول أشعاري

الموضوع الأصلي: كتبت اسمك على روحي |~| الكاتب: نوفا |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

صديق الجميع ,ملكة الحنان ,صقر ,عاشق الغيم ,جــــود ♚ معجبون بهذا