الله رفع قيمتي والله رفع مستواي

دامك تسولف ورى ظهري مكانك وراي
يالصاحب اللي تصول الارض وتجولها

لاتذخر الكلمه اللي قلتها في قفاي
إن شفت نفسك قوي واجهني وقولها

ليه التفت والصغار اللي تدور خطاي
بحشم نفسي عن اللي دار بعقولها

الله رفع قيمتي والله رفع مستواي
ما طالع الا بروس القوم وزحولها

والله لنومس بني عمي وعز اخوياي
بالوقفه اللي يشيب الراس من هولها

متماسك وواثق الخطوه وكاسب رضاي
ثابت لو ان الليالي صكت اقفواها

لاشكي همومي على العالم ولا ابحث خفاي
يغنيني الله عن الناس وعن افعولها

ادحم بجنبً قوي ورقى وحوم بسماي
والهزله اطوفها والجزله اطولها

كرامة النفس همي والكرامه هواي
واميز اهل الردى لادقت اطبولها

يامزاولين النفاق الاجتماعي معاي
النيه الباطله مكشوف مفعولها

اهل مصالح واهل كذب ومساكين راي
وقلوبكم من حسدكم زادت احمولها

ومجالسً جمعتكم ماتجيها خطاي
تجمع رخوم العرب وتمجد خبولها

واللي على ذمة الغياب رايح وجاي
كلمة نعم ماهي بحوله ولا حولها

اعوذبك ياالهي من خباثة اعداي
وان فكرت تلعب الانذال بذيولها

اشره على الطيبين ليا حكو في قفاي
ولا حثال العرب ماهمني قولها

الموضوع الأصلي: الله رفع قيمتي والله رفع مستواي |~| الكاتب: ♔ الراقية ♔ |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

ناطق العبيدي ,صقر معجبون بهذا