تعالوا عرفونا على انفسكم

الأســم الــمــستعار:
ههههه ما عندي مشكله أقول اسمي
معاكم روابي الكندري
العمــــر :
يقولون لا تسأل البنت عن عمرها وعن وزنها ههههه لا لا اتغشمر 28
الجنســـية :
كويتية
الوظيفة
معلمه لغه انجليزية لكن حالياً مقدمه على تفرغ دراسي للماجستير
مدينة السـكن :
قرطبه << ما أستقبل خطاف هـهـهـهـه
الهـــــوايات :
التصميم + السفر
كيفية استدلالك على المنتدى :
بالصدفه وانا اسوي سيرج وياحلوها من صدفه
امنيــــاتك :
امنيتي افر العالم كله
اكلة تحبها :
مجبوووس ديااي , باستا الفريدو , الاكل البحري
كلمه توجهها لـ شخص قدملك الكثير :
اذا قدملي وايد اكيد مافي كلمه اقدر أوجهها
بحاول اني انا ارد له الجميل بأفعال
عدد المنتديات المشارك فيها :
2 انتو ثاني منتدى <<< ان شاء الله ما يزيدون عشان لا اتوهق هـهـهـهـ
اكثر عضو تحب مشاركاته :
هههه جنه السؤال ما ينفعني الحين لاني ما أعرف احد منكم
عضو تتمنى انك تقترب منه اكثر وتتعرف عليه:
هههه نفس الشي ما اعرف احد ان شاء مع الوقت اتعرف عليكم
ولو في ماراح اقول هـهـهـهـ
اكثر شئ تحبة الشعر او الخواطر :
الشعر اكيد
اكتب لنا شئ من قلمك او من اختيارك :
ما أكتب انا بس ممكن من اختياري

لا ما كان العشم فيكم في عز جروحي تنسوني
وربي كان انا ظني تجوني قبل اناديكم
ولكن للأسف بانت وخابت فيكم ظنوني
وهدمتوا أجمل احلامي وخيبتوا الرجا فيكم
انا ما همني جرحي ولا همتني شجوني
ولا همتني دموع من الضيقه تناجيكم
أنا اللي همني وشلون هذول اللي يواسوني
عواذل كنت اسميهم حبايب كنت اسميكم
خطيت بحقهم ياما وياما هم يراضوني
حقيقه كنت انا جاهل ازعلهم وأراضيكم
نعم كانوا يراعوني وعن الضيقه يسلوني
وايديهم تمسح دموعي وانا ادور اياديكم
بعد كل الذي قلته وبعد منتم سمعتوني
قبل ما اوجه الخطوه قبل ما ارحل واخليكم
اقول انتم صدمتوني وفي هالدنيا كتبتوني
قصيده صافي جمهوره دموع بس تحييكم

نصار الظفيري

ماذا تحب وماذا تكرة :
أحب التصميم , السفر , القهوه و المسلسلات الاجنبية
أكره الروتين , الجذابين << قلبو الجيم كاف والاستغلاليين اللي ورا مصلحتهم بس
ماهي الاشياء التي تحب تعملها يومين :
يومياً تقصدين << ههههه صار لي ساعه احاول افهم الجملة
اشرب قهوتي بس يومياً أما الروتين ماحبه يتكرر لو مو المذله جان حتى
دوامي استقلت منه هههههه
هل تحب السفر ام لا :
عششششقي عندي سفره باذن الواحد الأحد شهر 8 << ماراح اقول وين هههه
كلمة تحبها ان تسمعها دائم :
منو ما يحب الكلام الحلو كل الكلام الحلو احبه ما عندي كلمه معينه احبها تحديداً
هل تحب البحر او البر او الجو :
ثلاثتهم بس أكثر شي الجو احب المرتفعات والطياره والالعاب العاليه
هل تحب الصيف ام الشتاء :
الشتااااء اكيد موسمي المفضل وموسم ولادتي بعد
ماهو الشئ الذي تتمناه ان يتحقق :
اتمنى احلام امي تتحقق
كلمة اخيرة توجهها الى الجميع :
تشرفت فيكم والله يجعلني عضوه خفيفه على قلوبكم مو قاعده على جبودكم
هههههه وان شاء الله اكون عند حسن ظنكم << هذا اذا في احد ظن اصلاً هههههه

صقر معجب بهذا