روائع الشعر العراقي/خليل الشبرمي التميمي/سر بالهواجس

بسم الله الرحمن الرحيم اللهم صل على محمد وعلى آله وصحبه أجمعين

ألا مرحبـاً واهـلاً هـلا عـد ماهلـي
سحابٍ على سلمـى واجـا دوم همالـي

وحي الرفيق اللي علومـه يجـوزٍ لّـي
وحي الكتاب كتاب غالي ومـن غالـي

ولاوالله الا مرحبـاً بالرفـيـق الـلّـي
مضرا على كسـب النواميـس ريبالـي

مديـم حجاجـه طلـق ولسانـه يهلّـي
به الطيب طبع معرب الجـد والخالـي

صديقٍ صدوقٍ صادق الود صافـيٍ لّـي
نقـيٍ تقـيٍ مالـه اجنـاس وامثـالـي

ومن بعد ذا يااحمد ابا ارسـل وحوّلـي
وشرواك ذيبٍ موجتـه تلقـط ارسالـي

انا يالحميدي عان وسمـي علـى بلّـي
علام الوسوم اللي علـى بلّـك اشكالـي

وش اللي جرى وايش السبب يافتى قلّـي
علام العلوم علـوم جـزلات وهزالـي

لاصرت فوقي ماانت ملزوم تنـزل لّـي
ولاصرت حدري ماانت مكلوف ترقى لي

وكانك تقول النـاس قالـت فعيـن لّـي
من اللي سلم من راعي القيـل والقالـي

ولاتبعد ابدن بـس مـن ملّـك وملّـي
تحسـس ودوّر كـم حقـودٍ ومحتالـي

بلانـا بـلانـا بينـنـا دوم ينسـلّـي
ومنـا بنـا واشيـن ورخـوم وانذالـي

وبالناس يابن النـاس طامـن ومتعلّـي
وانا ما ارفع الطامن ولا اطمن العالـي

وقلبي دليلـي يالحميـدي يدربـل لّـي
واميز هماجه قبل اذوقـه مـن الحالـي

وانا احَمْد ربي ماخبـرت القـدم زلّـي
ومشيي لـك الله دوم دغـري وطوالـي

ونفسـي عزيـزه بالـردى ماتسولّـي
وسود النوايـا ماتشـوش علـى بالـي

ولا اداني العيلـه ولا الميـل لـو ملّـي
ولا اطفف لغيـري ولا ازيـد مكيالـي

وانا داري انك يافتى الجود وافـيٍ لّـي
ولاهي غريبـه منـك ياطيـب الفالـي

وعلى كل حالٍ جيت كلي علـى حلّـي
وخذني شقيقٍ لك على كل ابـو حالـي

أبلبس علـى ماتشتهيـه انـت فصّلّـي
وضبّط عسـى الله مايعريـك تفصالـي

وقل واهني اللي عـن النـاس متسلّـي
دليـخٍ فضيـخٍ دالـهٍ خالـيٍ سـالـي

وصلوا على سيْد البشـر عـدّ ماهلّـي
سحابٍ توالـى نـوض براقـه يلالـي

الموضوع الأصلي: روائع الشعر العراقي/خليل الشبرمي التميمي/سر بالهواجس |~| الكاتب: ناطق العبيدي |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

شموخ ,صقر معجبون بهذا