غباء x غباءxغباء x رخامه

فى اسئله بديهيه فى الدنيا ملهاش اى نيلة ولازمه
بنتعرض لها كل يوم من كل الناس
خلونا نشوف امثله ,,,

انت فى اوضتك على السرير وطافى النور ومتغطى
وييجى اخوك الظريف ... اللطيف ... ويفتح الباب عليك
ويقول : ايه ده انت هتنام ولا ايه؟!

(( اظن ده مش وضع رقص .. واضح انك هتنام ))

************************
انتو معزومين عند ناس وروحتو لبيتهم واول
مافتحوا لكم الباب يقول ابنهم الصغير:

انتو جيتووووووووووا؟!

( لا لسسسسسسسسسه )

****************************

والعكس انت لابس هدومك ومتاْنتك وعلى سنجه عشره
وريحه البرفان واصله لاخر الشارع وخلاص بتفتح
باب الشقه يجى حد من اهلك وينادى بصوت عالي

انت خاااااااااارج ولا ايييه؟!

( !!! لا ده انا لسه رااااااجع )
*************************

او مثلا راكب العربيه ودورتها خلاص هتطلع ...
ييجى لك البواب ويخبط لك على الزجاج وتقوله :
خير فى حاجه ؟

يقولك انت رايح الشغل يا بيه ؟

( لا العربيه وحشاااااااانى )
************************

مثلا ماسك سماعه التليفون وقاعد تضغط الارقام
يجى حد من اهلك يقولك


انت هتتكلم فى التليفون ؟

( لا بتفرج عليه)
************************

مثلا ماسك مذكره او كتاب وقاعد تحفظ ومتحمس
( اول مره بقى ) جه حد وقالك


هاه قاعد تذاكر !!؟

( تقوم رامى الكتاب وتقول لااااااااااء )
***********************

ربنا هاديك كده وماسك سبحه وعمال تسبح
يجى حد من البيت ويعدى عليك ويقولك :


هو انت بتسبح !!؟

( لا هفرطها واسلقها )

****************************

ولا تعالو شوفو قنواتنا واسئلتهم البديهيه البايخه
برنامج اهداءات واحد بيتصل يطلب اغنيه
ترد عليه ست الكتكوته ( المذيعه ) بكل خفه ورشاقه


هو انت بتحب الاغنيه دى ولا ايه !!؟

( لا طالبها اخنق بيها نفسى )

**************************

او مثلا فى العيد المذيع ... نتعرف بيك
المواطن : فلان الفلاني
المذيع: هههه ههههه ههههه تقول ايه للاهل ها والاصحاب ها والاقارب ها والناس اللى انت مخاصمهم؟
المواطن : اقولهم كل عام وانتم بخير


( اكيد يعنى مش هيقولهم البقاء لله )
**************************

المذيعه الظريفه اللطيفه : ويا ترى هتعملو ايه فى العيد
هتقضوه ازاى ؟
اكيد هتزوروا الاهل والصحاب وتخرجوا تشوفوا مظاهر العيد وتفسحوا اولادكم وتتصلوا بالمعارف وتعيدوا عليهم
وتقولوا لهم كل سنه وانتم طيبين

( سبتيله ايه يقوله ياااارخمه )

*************************

والاسخف بقى ... والشلل الكبير ... لما المذيعين يكلموا الاطفال يقول المذيع للطفل :


انت بتحب ماما وبابا !!؟


( يعنى اساسي الواد لسه مطلعلوش عرق النداله
عشان يقول لا )
**************************

الموضوع الأصلي: غباء x غباءxغباء x رخامه |~| الكاتب: الجورى |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات