يالغايب اللي غابت ايامي معـاك

يالغايب اللي غابت ايامي معـاك
يا جعل ما جاني من الفرقـا يجيـك

استغفر الله !! جعل ماجانـي فـداك
حتى لو ان نهايتي على يدييـك!

مسامحك واللي بقوله فـي قفـاك
خيرك كثيرويرحـم الله والديـك

ماصار شي ابلا رضاي الا رضاك
اللي ماهو فيني وابيـه القـاه فيـك!

كنت السما في عيني وعيني سمـاك
كانت حياتـي كلهـا منـك واليـك

كنت بيديني مير مدري مـن خـذاك
حسبي على تقصيري وحسبي عليـك

علمتني.. وش الحياه مـن الهـلاك
في موادعك هذا وفي جيّتـك ذيـك

ياكيف ابلقى شخص يسواني سـواك
كل مانويت انهيك في شخص ابتديك

أبـدى أقـارن مستـواه بمستـواك
واخاف لاتزعل وابيعـه واشتريـك

والمشكله رغم محبتـك وغـلاك
واني رغم كل شيّ مشتـاق وابيـك

ما هوب من حقي يضايقني جفـاك
ولااعشقك ولاالمحك ولااحتريـك

لكن ما يخفانـي ولا اظـن يخفـاك
حقي عليك انّك تطمنّي عليـك

الموضوع الأصلي: يالغايب اللي غابت ايامي معـاك |~| الكاتب: ♔ الراقية ♔ |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

رمز الوفاء ,صقر معجبون بهذا